Trupi Gjykues pas mbajtës së shqyrtimit gjyqësor, dëgjimit të palëve, administrimit të të gjitha provave dhe fjalëve përfundimtare, të pandehurin Xh.S për veprën penale grabitja nga neni 329 paragrafi 1 lidhur me paragrafin 3 të KPRK-së, e gjykoi me dënim burgimi në kohëzgjatje prej tetë (8) vite dhe dënim me gjobë në shumë prej tremijë (3.000) €.

I pandehuri Xh.S, akuzohet se gjatë vitit 2015 në Ferizaj, si anëtar i grupit ka hyrë në shtëpinë e A.S së bashku me vëllain e tij dhe një person tani të panjohur, të cilët me përdorimin e forcës dhe nën kërcënimin e forcës dhe armëve, kanë përvetësuar pasurinë e luajtshme të të dëmtuarit, me qëllim që ti sjellin vetes dobi pasurore të kundërligjshme, në atë mënyrë që të maskuar janë futur në shtëpinë e të pandehurit dhe kanë kapur të dëmtuarin G.S i cili ishte i vetëm në shtëpi, duke e tërhequr zvarrë dhe duke i kërkuar parat e babait të tij i cili posedon një ndërmarrje për këmbimin e valutave, duke ia drejtuar revolen, me ç’rast kanë filluar të demolojnë orenditë e dhomave, ku kanë gjetur dymijë e treqind (2.300) € euro dhe stoli ari në vlerë rreth njëmijë e katërqind (1.400) €.

Sa i përket veprës penale mbajtja në pronësi, kontroll ose posedim të pa-autorizuar të armëve nga neni 374 paragrafi 1 të KPRK-së, në bazë të nenit 364 paragrafi 1 nën paragrafi 1.3 të Kodit të Procedurës Penale, i pandehuri Xh.S, lirohet nga akuza, meqë nuk është vërtetuar se i njëjti ka kryer këtë vepër penale.

Kundër këtij aktgjykimi, palët kanë të drejtë ankese në afat prej (pesëmbëdhjetë) 15 dite nga dita e pranimit të aktgjykimit në formë të shkruar. Ankesa i drejtohet Gjykatës së Apelit në Prishtinë përmes Gjykatës Themelore të Ferizajt.