Me rastin e përfundimit të praktikës, Kryetari i Gjykatës Themelore të Ferizajt, z. Mustaf Tahiri së bashku me bashkëpuntorët e tij, kanë pritur në një takim praktikantët të cilët kanë kryer punë vullnetare dhe pa pagesë në këtë gjykatë, me ç’rast i kanë falënderuar për vullnetin dhe punën e palodhshme që kanë treguar për gjatë një viti.

Ndërsa ata janë shprehur të kënaqur me angazhimin e tyre për gjatë një viti, duke i’u rikujtuar që njohuritë dhe eksperiencën që e kanë fituar, do t’iu shërbej në ndërtimin e karrierës së tyre në fushën e drejtësisë.

Si shenjë mirënjohjeje për përfundimin me sukses të praktikës së tyre, në fund të ceremonisë u ndanë certifikata për praktikantët e angazhuar gjatë periudhës 2023/24, në këtë gjykatë.