Pas mbajtjes së seancës dëgjimore dhe analizimit të shkresave të lëndës, gjyqtari i procedurës paraprake i Divizionit Penal – Habib Zeqiri, ka vërtetuar faktin se të dyshuari më 29.04.2021 në Ferizaj, fillimisht i pandehuri F.H. takohet me A.S. duke punuar në pronën e tij, përkatësisht duke dashur të hapë një themel, me qëllim të ndërtimit të një muri. Në Ato momente derisa A.S. ishte duke u sqaruar me fqinjin e tij N… lidhur me ndërtimin e murit, në bisedë ndërhynë i pandehuri F… me ç’rast vjen te fjalosja dhe ofendimet mes F.H dhe A.S. ku i pandehuri F. e godet me grusht në pjesën e barkut A.S.. Pas zënkës F.H. merr një shufër metalike dhe pasi në përleshje ndërhyjnë edhe N.S., H.S. dhe I.S. vëllezërit e A.S. e godet me shufër në shpinë të pandehurin N.S, Lëndime trupore merr edhe i pandehuri F.H pas goditjeve të marra në pjesë te trupit, krahërorë dhe kokë, me shkopinj druri nga të pandehurit N.S. dhe H.S.

Gjyqtari i procedurës paraprake, kërkesën e prokurorit të shtetit për caktimin e masës së paraburgimit, e cila gjatë seancës dëgjimore është ndryshuar në kërkesë për caktimin e masës së paraqitjes në stacionin policor kundër të dyshuarve, e ka vlerësuar si të pa bazuar. Pasi gjykata gjen se për t’u caktuar masa-paraqitja në stacionin policor duhet që krahas ekzistimit të dyshimit të bazuar, të ekzistojë edhe rreziku se i pandehuri do të fshihet, të shkojë në ndonjë vend të panjohur ose të largohet nga Kosova. Andaj, meqenëse që nga fillimi i kërkesës për caktimin e masës së sigurisë e deri në përfundimin e seancës dëgjimore, nuk ka rezultuar që për të pandehurit të ekzistojë rreziku i ikjes, andaj të dyshuarit janë lirohen në procedurë të rregullt.

Me këtë rast palët njoftohen se ankesa kundër këtij aktvendimi nuk e shtynë ekzekutimin e tij.